(ویب ڈیسک)بالی ووڈ فلم "ڈان 3" میں ولن کے کردار کیلئے وکرانت میسی کا نام زیر غور ہے۔
فرحان اختر کی ہدایت کاری میں بننے والی"ڈان 3" میں رنویر سنگھ اور کیارا اڈوانی مرکزی کردار ادا کریں گے،فلم اس وقت تیاری کے مراحل میں ہے جبکہ ولن کا نام ابھی تک فائنل نہیں ہوسکا،تاہم کہا جارہا ہے کہ اداکار وکرانت میسی کو فلم میں ولن کے کردار کے لیے پیشکش کی جاسکتی ہے۔
رپورٹ کے مطابق وکرانت میسی نے حالیہ فلم "12ویں فیل" میں بہترین اداکاری کا مظاہرہ کرکے دنیا بھر میں خوب نام کمایا ہے،اب انہیں"ڈان 3 "میں رنویر سنگھ کے مقابل مرکزی ولن کا کردار کرنے کی تجویز دی گئی ہے،تاہم ابھی تک اس کا فیصلہ نہیں ہوا۔
ایک پوڈکاسٹ میں فرحان اختر نے بتایاہے کہ انہوں نے "ڈان 3" کے لیے نئی نسل کے اداکار کی ضرورت کے تحت رنویر سنگھ کو منتخب کیاہے ۔
واضح رہے کہ"ڈان 3" کی تیاری آئندہ سال مارچ میں شروع ہوگی کیونکہ فرحان اور رنویردیگر منصوبوں میں مصروف ہیں،تاہم شائقین اس فلم کو بڑے پردے پر دیکھنے کیلئے بے تاب ہیں۔