زین مدنی:لاہور آرٹس کونسل نے بھی سموگ کے باعث حکومتی احکامات پر الحمرا کے تمام ایونٹس منسوخ کر دئیے۔
24 نومبر تک الحمرا آرٹ سینٹر اور الحمرا کلچرل کمپلیکس میں کوئی ایونٹ نہیں ہوگا،الحمرا میں جاری انٹرنیشنل دوستی تھیٹر فیسٹیول کے بقیہ دو روز کے شوز بھی منسوخ کر دئیے گئے۔
دوستی تھیٹر فیسٹیول میں آج آسٹریلیا کی تھیٹر کمپنی نے پرفارم کرنا تھا جو منسوخ کردیا گیا ہے،21 نومبر کو فرانس ایمبیسی کا ہونے والا پیانو شو جبکہ الحمرا کلچرل کمپلیکس میں23 نومبر کو ہونے والا آسٹریا کا فلیمینکو شو بھی منسوخ کردیا گیا۔یہ تمام شوز ثقافتی پروگرامز اور ڈرامے اب 24 نومبر کے بعد ہوں گے۔