بذریعہ ٹرین سفر کرنے والوں کے لئے تشویشناک خبر

سعید احمد:میدانی علاقوں میں دھند اور سموگ کی شدت کے باعث ٹرینوں کا شیڈول بری طرح متاثر ہوا ہے۔
کراچی، کوئٹہ سمیت مختلف شہروں سے آنےاور جانیوالی ٹرینیں گھنٹوں تاخیر کا شکار ہو گئیں۔کراچی سے آنے والی خیبر میل ایکسپریس 8 گھنٹے 20 منٹ ،پاکستان ایکسپریس 8 گھنٹے 10 منٹ ،علامہ اقبال ایکسپریس 5 گھنٹے 25 منٹ،رحمان بابا ایکسپریس 5 گھنٹے 20 منٹ جبکہ قراقرم ایکسپریس 5 ،پاک بزنس ایکسپریس 4 گھنٹے 35 منٹ تاخیرکاشکار ہوئی۔
 اسی طرح جعفر ایکسپریس 4 گھنٹے 10 منٹ ،تیز گام ایکسپریس 4 گھنٹے،کراچی ایکسپریس 3 گھنٹے 10منٹ،ملت ایکسپریس 2 گھنٹے 35 منٹ،گرین لائن ایکسپریس 2 گھنٹے ،سرسید ایکسپریس 1 گھنٹہ 45 منٹ،فرید ایکسپریس 1 گھنٹہ 40 منٹ جبکہ عوام ایکسپریس 1 گھنٹہ 20 منٹ تاخیر کاشکار ہوئی۔