ویب ڈیسک:پاکستان کیخلاف سیریز کے دوسرے ٹی20 میچ میں  آسٹریلیاکی بیٹنگ جاری  ہے،میزبان ٹیم نے 4 وکٹوں کے نقصان پر 86 رنزبنالئے ۔

  سڈنی میں کھیلے جانے والے اس میچ میں آسٹریلوی ٹیم کے کپتان جوش انگلس نے ٹاس جیت کر پہلے بیٹنگ کا فیصلہ کیا،اس موقع پر ان کاکہناتھاکہ میچ میں فتح کیساتھ سیریز اپنے نام کرنا چاہتے ہیں۔

 قومی ٹیم کے کپتان محمد رضوان نے اس موقع پر کہا کہ میچ میں کامیابی سمیٹ کر سیریز برابر کرنا پہلا ہدف ہے، پلیئنگ الیون میں ایک تبدیلی کی گئی ہے،حسیب اللہ خان کی جگہ سفیان مقیم کو شامل کیا گیا ہے۔

 پاکستانی اسکواڈ کپتان محمد رضوان، بابراعظم، صاحبزادہ فرحان، عثمان خان، سلمان آغا، عرفان خان، عباس آفریدی، شاہین شاہ آفریدی، حارث رؤف، نسیم شاہ اور سفیان مقیم پر مشتمل ہے۔

 دوسری طرف آسٹریلین اسکواڈ میں کپتان جوش انگلس، جیک فریزر، میک گرک، میٹ شارٹ، گلین میکسویل، ٹم ڈیوڈ، مارکس اسٹوئنس، آرون ہارڈی، زیویئر بارٹلیٹ، نیتھن ایلس، ایڈم زمپا اور اسپینسر جانسن شامل ہیں۔

 3میچز کی سیریز میں آسٹریلیا کو ایک صفر کی برتری حاصل ہے۔