سٹی42: وزیر اعلیٰ پنجاب مریم نواز شریف کا برداشت کے عالمی دن (Tolerance day) پر پیغام,کہا نبی کریم ﷺ نے اپنی زندگی میں رواداری برداشت کی شاندار مثالیں قائم کیں، ہمیں ان پر عمل کرنا ہے۔

تفصیلات کے مطابق مریم نواز شریف کا اپنے پیغام میں کہناتھا کہ رواداری، احترام اور برداشت کامیاب اور پرامن معاشرے کی بنیاد ہے،دنیا مختلف عقائد، ثقافتوں، اور نظریات کا امتزاج ہے سب کا احترام لازم ہے۔

قائدِ اعظم کے افکار کی روشنی میں برداشت و ہم آہنگی کو فروغ دے رہے ہیں،تعلیمی ادارے بھی نوجوان نسل کو برداشت، احترام، اور محبت کے اصول سکھائیں،نفرت اور تعصب کا زہرمعاشروں کو کھوکھلا کر دیتا ہے۔

ایسا معاشرہ ترجیح ہے جو ہر شہری کو مساوی مواقع اور حقوق فراہم کرے،اختلافات قبول کریں، ایک دوسرے کے لیے برداشت، عزت و احترام کو فروغ دیں،پاکستان کو امن، رواداری، اور بھائی چارے کی مثال بنانا ہوگا۔