(ویب ڈیسک)آرمی چیف جنرل قمر جاوید باجوہ کا کراچی کا دورہ، کور کمانڈر لیفٹیننٹ جنرل محمد سعید نے ان کا استقبال کیا۔ 
آرمی چیف نے کراچی ایکسپو سینٹر میں آئیڈیاز 2022 کے مختلف اسٹالز دیکھے۔ آرمی چیف نے آئیڈیاز دفاعی نمائش میں شریک مختلف وفود سے ملاقاتیں بھی کیں۔ ملاقاتوں میں بحرین، اٹلی، سری لنکا، لیبیا، زمبابوے، یو اے ای کے وفود شامل تھے۔ 
آئی ایس پی آر کے مطابق آرمی چیف نے ملیر گیریژن کا بھی دورہ کیا اور یادگار شہداء پر حاضری دی اور پھول چڑھائے۔ اس موقع پر آرمی چیف جنرل قمر جاوید باجوہ نے ملیر گیریژن میں افسروں اور جوانوں سے بات چیت بھی کی اور ان کی پیشہ وارانہ کارکردگی کی تعریف کی۔ آرمی چیف نے حالیہ سیلاب میں فوجی دستوں کی امدادی سرگرمیوں کو بھی سراہا۔