(زاہد چوہدری)لاہور سمیت صوبے بھر کے 24 اہم سرکاری ہسپتال بدستور مستقل میڈیکل سپرنٹنڈنٹ سے محروم، میو،گنگارام، بعض ہسپتالوں میں 2 برس سے ایم ایس کا عہدہ خالی  ہے۔
لاہور سمیت صوبے بھر کے 24 اہم سرکاری ہسپتال بدستور مستقل میڈیکل سپرنٹنڈنٹ سے محروم ہیں ۔ پی ٹی آئی حکومت کی عدم توجہی کی وجہ سے بعض ہسپتالوں میں ایم ایس کا عہدہ دو برسوں سے خالی پڑا ہے ۔ لاہور میں میو ہسپتال ، گنگارام ہسسپتال ، جنرل ہسپتال ، کوٹ خواجہ سعید ہسپتال ، میاں منشی ہسپتال ، یکی گیٹ ہسپتال ،سید مٹھا ہسپتال ، شاہدرہ ہسپتال اور مزنگ ہسپتال مستقل میڈیکل سپرنٹنڈنٹ سے محروم ہیں ۔ مستقل میڈیکل سپرنٹنڈنٹ نہ ہونے سے ان ہسپتالوں کے انتظامی و مالی امور بری طرح سے متاثر ہورہے ہیں اور اس کا منفی اثر علاج معالجے کی فراہمی پر بھی مرتب ہورہا ہے ۔

موجودہ حکومت کی جانب سے بھی تاحال اہم ہسپتالوں میں ایم ایس کی خالی سیٹوں پر مستقل تعیناتیوں کے حوالے سے کوئی پیش رفت نہیں ہوسکی ہے ۔