(مانیٹرنگ ڈیسک) پاکستان شوبز انڈسٹری کی نامور خوبرو اداکارہ اُشنا شاہ نے ٹوئٹر پر عامر لیاقت حسین کی پہلی اہلیہ سیدہ بشریٰ اقبال کی تعریف کردی۔
اُشنا شاہ نے اپنے تعریفی ٹوئٹ میں لکھا کہ سیدہ بشریٰ اقبال آپا صبر، باوقار شخصیت، باوقار خاموشی اور اللّٰہ کے حضور اپنے معاملات چھوڑ دینے کی اعلیٰ مثال ہیں، اُنہوں نے مجھے سکھایا ہے کہ اللّٰہ پر اپنے معاملات چھوڑ دینا سب سے بہترین ردِ عمل ہے، آج سے میں سیدہ بشریٰ اقبال کے اِن اعمال کو اپنی زندگی کا حصہ بناؤں گی اور اِن پر عمل کرنے کی بھرپور کوشش کروں گی، انشاء اللّٰہ۔
View this post on Instagram
واضح رہے کہ تنسیخ نکاح کا دعویٰ دائر کرنے کے بعد دانیہ شاہ اور عامر لیاقت کا ایک دوسرے پر الزامات لگانے کا سلسلہ جاری ہے۔ان کی تیسری بیوی دانیہ سوشل میڈیا پر غیراخلاقی بیانات اور ویڈیوز شیئر کررہی ہیں جبکہ عامر لیاقت ان دنوں ٹک ٹاک ویڈیوز بنا کر اپنا درد بیان کررہے ہیں، ڈاکٹر عامر لیاقت نے پاکستان چھوڑنے کا بھی اعلان کردیا۔