(ویب ڈیسک) پاکستانی اداکارہ عائزہ خان نے انسٹاگرام پر پاکستان کی سب سے زیادہ فالو کی جانے والی اداکارہ کا اعزاز اپنے نام کر لیا ہے۔
تفصیلات کے مطابق پاکستانی ڈرامہ انڈسٹری کی صف اول کی اداکارہ عائزہ خان کے انسٹاگرام اکاؤنٹ پر فالوورز کی تعداد 9 ملین یعنی 90 لاکھ ہو گئی ہے جس سے پتہ چلتا ہے وہ انسٹاگرام پر خاصی متحرک ہیں۔اداکارہ نے مداحوں کے لیے خاص پوسٹ اپ لوڈ کی جس میں انہوں نے اپنے فالوورز سے محبت کا اظہار کیا۔
تصویر میں دیکھا جا سکتا ہے کہ اداکارہ نے پتا پکڑ رکھا ہے جس پر 9 ملین لکھا ہے، کیپشن میں عائزہ نے لکھا کہ میں آپ سب سے محبت کرتی ہوں۔
خیال رہے اداکارہ عائزہ خان کا شمار پاکستان کی ان اداکاراؤں میں ہوتا ہے جو انسٹاگرام پر ناصرف اپنی فیملی کے ہمراہ تصاویر اور ویڈیوز اپ لوڈ کرتی رہتی ہیں بلکہ اپنے ڈراموں سے متعلق بھی مداحوں کو بتاتی رہتی ہیں۔حال ہی میں اداکارہ نے اپنے شوہر دانش تیمور کے ہمراہ عید کے موقع پر ایک ویڈیو ریلیز کی تھی جسے مداحوں کی جانب سے خوب پسند کیا گیا۔