(سٹی42)کورونا کے مہلک وار جاری،موذی وائرس کئی قیمتی زندگیاں نگل گیا سینکڑوں نئے کیسز سامنے آگئے۔
تفصیلات کے مطابق کورونا کے مہلک وار جاری ہیں، شہر میں موذی وائرس مزید20 قیمتی زندگیاں نگل گیا۔24 گھنٹوں میں کورونا کے670 نئے کیس رپورٹ ہوئے ہیں۔ مختلف ہسپتالوں میں کورونا کے761 مریض زیرعلاج ہیں۔کورونا کے226 مریضوں کی حالت تشویشناک ہونے کی وجہ سے انہیں وینٹی لیٹر پر منتقل کیا گیا ہے،ہسپتالوں کے آئی سی یوز کے65 فیصد بیڈز پر کورونا مریض زیر علاج ہیں۔
دوسری جانب اگر ملکی مجموعی صورتحال کی بات کی جائے تو ملک بھر میں چوبیس گھنٹوں کے دوران مزید 76افراد زندگی کی بازی ہار گئے جبکہ 2ہزار 379نئے کیسز رپورٹ ہوئے۔ مثبت کیسز کی شرح 7.82 فیصد رہی۔ این سی او سی کے جاری کردہ اعداد و شمار کے مطابق ملک بھر میں مجموعی ہلاکتوں کی تعداد 19 ہزار 543 ہو گئی ہے۔ چوبیس گھنٹے میں 402 کورونا ٹیسٹ کئے گئے۔