غوث الاعظم روڈ (زین مدنی )پاکستان میوزک انڈسٹر ی کے نامور گلوکار عاطف اسلم نے ماہ صیام میں کوک اسٹوڈیو کی مشاورت سے اپنی خوبصورت آواز میں اﷲ تعالیٰ کے 99 نام ’اسماءالحسنیٰ‘ پڑھ کر تمام مسلمانوں کے دِل جیت لیے۔
تفصیلات کے مطابق حال ہی میں نامور گلوکار عاطف اسلم نے مائیکرو بلاگنگ سائٹ ٹوئٹر پر اپنی خوبصورت آواز میں پڑھے جانے والے اﷲ تعالیٰ کے 99 نام ’اسماءالحسنیٰ‘ کا یوٹیوب لنک شیئر کیا۔اِس لنک کو شیئر کرتے ہوئے عاطف اسلم نے لکھا کہ‘ کورونا وائرس کی اِس مشکل گھڑی میں انسانیت سے اظہارِ یکجہتی کرتے ہوئے اچھے دنوں کی اُمید لیے کوک اسٹوڈیو کے ساتھ مل کر میں نے آپ سب کے لیے ’اسماءالحسنیٰ‘ پڑھے ہیں۔
عاطف اسلم کی آواز میں’اسماءالحسنیٰ‘ کو یوٹیوب پر لاکھوں افراد سن چکے ہیں۔
اس سے قبل عالمی شہرت یافتہ پاکستانی گلوکارعاطف اسلم نے اپنے یوٹیوب چینل اور انسٹاگرام پر اذان کی ویڈیو شیئر کی تھی جس میں اذان کے ساتھ دکھائے جانے والے مناظر میں خانہ کعبہ، گنبد خضریٰ، قران کریم اور خدا کی قدرت شامل ہے۔ عاطف اسلم کی آواز میں اذان نے سننے والوں پر رقت طاری کردی۔
واضح رہے کہ عاطف اسلم کی آوازمیں پڑھا گیا مشہور و معروف کلام ’تاجدارحرم‘ اور حمد باری تعالیٰ ’وہی خدا ہے‘ کی پذیرائی دنیا بھر میں ہوئی تھی۔
دوسری جانب عاطف اسلم نے کورونا لاک ڈاؤن کی موجودہ صورتحال کے باعث گھر میں مایوس ہوتے مداحوں کے لیے ان کی فرمائش پر ’تاجدارِ حرم‘ بھی پڑھی۔واضح رہے کہ عاطف اسلم کی آوازمیں پڑھا گیا مشہور و معروف کلام ’تاجدارحرم‘ اور حمد باری تعالیٰ ’وہی خدا ہے‘ کی پذیرائی دنیا بھر میں ہوئی تھی۔