(فاران یامین)عید قربان کے قریب آتے ہی پولیس موبائل بکرا ڈیلیوری سروس کرنے لگی، کینال روڈ پر پولیس موبائل میں لدے بکرے بڑے صاحب کے گھر لے جاتے دیکھے جا سکتے ہیں۔
چوروں، ڈکیتوں اور دیگر جرائم پیشہ عناصر کی گرفتاری سمیت گشت کیلئے توگاڑیاں دستیاب نہیں، مگر صاحب بہادر کے گھریلو کام کیلئے پولیس موبائل میں نہ صرف پیٹرول ہے، بلکہ اہلکار بھی موجود ہیں، عید کے قریب آتے ہی لاہور پولیس نے بکرا ڈلیوری سروس شروع کر دی، گاڑی نمبرایل ایکس آر1087 میں دو بکرے لدے دیکھے جا سکتے ہیں، جو صاحب بہادر کے گھر قربانی کیلئے پہنچ جائیں گے، مگر ان کی ڈلیوری چارجز ٹیکس دینے والوں سے وصول کئے جائیں گے۔