(وسیم احمد) صوبائی وزیر کھیل کا انٹرنیشنل کرکٹر فہیم اشرف کی درخواست پر نوٹس لے لیا، افسران کی کوتاہی کسی صورت برداشت نہیں کی جائے گی، کھیل کے میدانوں کو بہتر بنانا ہماری ذمہ داری ہے جلد گراؤنڈ کو اصل حالت میں لائیں گے۔
تفصیلات کے مطابق کرکٹر فہیم اشرف نے نیشنل ہاکی سٹیڈیم میں وزیرکھیل تیمور بھٹی سے ملاقات کی اور انہیں گراؤنڈ کی خستہ حالی اور ٹی ایس او پھول نگر این اے رانا کی لاپرواہی کی عدم دلچپسی بارے آگاہ کیا۔ وزیرکھیل تیمور بھٹی نے ڈی ایس او قصور فیصل خان سے رپورٹ طلب کر لی۔

صوبائی وزیر کھیل کا انٹرنیشنل کرکٹر فہیم اشرف کی درخواست پر نوٹس

کرکٹر فہیم اشرف نے وزیر کھیل کو پھول نگر میں کرکٹ گراؤنڈ کی حالت زار پر درخواست کی۔

وزیر کھیل پنجاب نے فوری نوٹس لیتے ہوئے انکوائری رپورٹ کا حکم دے دیا @iFaheemAshraf @RaiTaimoorPTI pic.twitter.com/MkU9DiNJiw

— Qadir Khawaja (@iamqadirkhawaja) June 16, 2020

تیمور بھٹی کا کہنا تھا کہ افسران کی کوتاہی کسی صورت برداشت نہیں کی جائے گی اور اس معاملے کی انکوائری رپورٹ میڈیا کے سامنے پیش کی جائے گی۔ وزیرکھیل نے کہا کہ گراؤنڈ کو اصل حالت میں بحال کروایا جائے گا۔ تیمور بھٹی نے پنجاب میں موجود کھیلوں کی تمام کمپلیکسس اور گراؤنڈز کے حوالے سے رپورٹ بھی طلب کی ہے۔

آپ کی کمپلینٹ پر نوٹس لیتے ہوئے محکمہ سے فوری رپورٹ طلب کرلی ہے اور غفلت کرنے والے افسران کی کوتاہی برداشت نہیں کی جائے گی۔ انشاللہ گراؤنڈ کو اصل حالت میں بحال کروایا جائے گا۔ https://t.co/N8fuLOtHIi

— Rai Taimoor Khan Bhatti (@RaiTaimoorPTI) June 16, 2020