وسیم احمد : آئی سی سی چیمپئنز ٹرافی کے بجٹ کو حتمی شکل دے دی گئی ، چئیرمین پی سی بی محسن نقوی اور چیف ایگزیکٹو آفیسر سلمان نصیر 18 جولائی کو کولمبو کیلئے روانہ ہوں گے۔
آئی سی سی اور پی سی بی کی مشاورت سے تیار کردہ یہ بجٹ 22 جولائی کو منظوری کے لیے پیش کیا جائے گا۔
ذرائع کے مطابق صرف بجٹ کی منظوری ایجنڈے کا حصہ ہے، ہائی برڈ ماڈل سمیت کوئی دوسرا فارمولہ ایجنڈے میں نہیں رکھا گیا۔چیمپئینز ٹرافی کے اضافی یا ہنگامی بجٹ پر بھی بات نہیں ہوگی۔
آئی سی سی چیمپئنز ٹرافی کے انتظامات کا جائزہ لینے کے لیے آئی سی سی کے وفد کی اکتوبر میں پاکستان آمد متوقع ہے۔