سٹی42: شیخوپورہ کے علاقے فیکٹری ایریا میں ڈاکوؤں کیساتھ پولیس مقابلہ ہوا جس کے نتیجے میں پنجاب ہائی وے پیٹرول کے اسسٹنٹ سب انسپکٹر شہید ہوگئے۔
پولیس کے مطابق ڈاکوؤں سے مقابلے کے دوران پنجاب ہائی وے پیٹرول کے اے ایس آئی شہید ہوگئے جبکہ انچارج پیٹرولنگ پوسٹ خان پور محمد نواز زخمی ہوئے تھے۔
دوسری جانب پولیس کی جوابی فائرنگ سے ایک ڈاکو ہلاک ہوا جبکہ دوسرا فرار ہو گیا ۔
فیکٹری ایریا پولیس نے مقدمہ درج کرکے ملزم کی تلاش شروع کر دی ہے، شیخوپورہ پولیس نے شہید ہونیوالے اے ایس آئی کی لاش مردہ خانے منتقل کر دی۔