ویب ڈیسک: وزیراعظم شہباز شریف نےسیالکوٹ میں گورنمنٹ کالج ویمن یونیورسٹی میں لیپ ٹاپ اسکیم کی تقریب سے خطاب کرتے ہوئے کہا کہ لیپ ٹاپ طلبہ کی محنت کااعتراف ہے۔یہ لیپ ٹاپ کوئی احسان نہیں بلکہ آپ کاحق ہے۔یہ لیپ ٹاپ پچھلے سال کی اسکیم کے تحت تقسیم کئے جارہے ہیں. رواں مالی سال مزید ایک لاکھ لیپ ٹاپ تقسیم کرینگے.
تقریب سے خطاب کرتے ہوئے وزیراعظم شہباز شریف نے کہا کہ انہیں قوم کی ہونہار بچیوں سے مل کر خوشی ہوئی۔
انہوں نے کہا کہ مشکل حالات کے باوجود لیپ ٹاپ کیلئے ساڑھے 4کروڑ ڈالر دینے پر وزیرخزانہ کام شکر گزار ہوں۔
وزیراعظم شہباز شریف نے بتایا کہ معاشی چیلنجز کے باوجود بجٹ میں خواتین کیلئے 5ارب روپے رکھے ہیں .
اگلے ماہ اقتدار نگران حکومت کے حوالے کردینگے.
شہباز شرئف نے کہا کہ دوبارہ موقع ملاتو نوازشریف کی قیادت میں تعلیم کے میدان میں انقلاب لائیں گے۔
دوبارہ حکومت ملی توملک میں ہر بچے کولیپ ٹاپ دینگے.
وزیراعظم نے جی سی ویمن یونیورسٹی سیالکوٹ ،فاطمہ جناح ویمن یونیورسٹی راولپنڈی ،راولپنڈی ویمن یونیورسٹی ،ویمن یونیورسٹی فیصل آباد اور لاھور کالج ویمن یونیورسٹی کی 10 طالبات میں لیپ ٹاپ تقسیم کیے۔
وزیر اعظم لیپ ٹاپ اسکیم 2023 کے تحت پہلے فیز میں 2000 طالبات کو لیپ ٹاپ دیئے گئے۔ جی سی ویمن یونیورسٹی کی 513 طالبات کو لیپ ٹاپ ملے۔