(ویب ڈیسک)وفاقی وزیرخزانہ مفتاح اسماعیل نے اپنا گھر بنانے والوں کو اچھی خبر سنا دی، ٹویٹ کرتے کہا ہم اس سکیم کو نئی شکل دےرہے ہیں۔

تفصیلات کےمطابق وفاقی وزیرخزانہ مفتاح اسماعیل نے اپنے آفیشل ٹویٹر اکاؤنٹ پر ٹویٹ کرتے کہا کہ لوگوں نے میرا گھر سکیم میں قرضوں کی منظوری کی بنیاد پر رقم خرچ کی، ہم اس سکیم کو نئی شکل دےرہے ہیں،کسی کاپیسہ ضائع نہیں ہوگا، اگلے ہفتے تک یہ مسئلہ حل کرلیں گے۔

Many people are writing to me that their loans were approved in the Mera Ghar scheme and that they have spent money based on that approval. I want to assure you that we are reshaping this scheme and no-one will lose their money. We will resolve the issues within the next week.

— Miftah Ismail (@MiftahIsmail) July 16, 2022

واضح رہے کہ گزشتہ ماہ سٹیٹ بینک کی جانب سے کہا گیا ہے کہ وزیر اعظم میرا گھر اسکیم کے تحت تازہ رقم کی تقسیم روک ہے۔مرکزی بینک کی جانب سے جاری کردہ بیان میں کہا گیا کہ میکرو اکنامک صورتحال میں ادائیگی پندرہ دنوں کے لیے روک دی گئی ہے، حکومت سکیم کی خصوصیات کا جائزہ لے گی۔

سٹیٹ بینک کی جانب سے مزید کہا گیا تھا کہ بینکوں نے یکم جولائی 2022 سے 15 جولائی 2022 تک تازہ رقوم کی تقسیم کو روکنے کو کہا۔