چٹ منگنی پٹ ویاہ، سارہ خان ،فلک شبیر نے اپنی تصاویر سےمداحوں کو حیران کردیا

سٹی42:چٹ منگنی پٹ ویاہ، سارہ خان ،فلک شبیر نے اپنی تصاویر سےمداحوں کو حیران کردیا۔

اداکارہ سارہ خان نے گزشتہ روز اچانک اپنی منگنی  اور شادی کی خبرسنا کر اپنے مداحوں کو حیران کردیا۔ ان کی منگنی اور مہندی کی تقریب کی ویڈیوز اور تصاویر سوشل میڈیا پر وائرل ہورہی ہیں۔انسٹاگرام پر اپنی ایک خوبصورت تصویر شیئر کی جس میں ان کے ہاتھ میں منگنی کی انگوٹھی نمایاں تھی اور تصویر کے ساتھ لکھا تھا ” میں نے ہاں کردی۔“

اداکارہ سارہ خان نے پاکستان کے معروف گلوکار فلک شبیر کے ساتھ  شادی کی ہے۔ فلک شبیر نے بھی گزشتہ روز اپنی اور سارہ کی ایک خوبصورت تصویر شیئر کی تھی جس میں وہ سارہ خان کو شادی کے لیے پرپوز کررہے ہیں۔جب کہ اسی کے ساتھ سارہ خان اورفلک شبیر کی مہندی اور مایوں کی تقریب کی ویڈیوز بھی شیئر کی جارہی ہیں جس میں دونوں اپنی زندگی کے ان خوبصورت اور حسین لمحات کو انجوائے کرتے ہوئے نظر آرہے ہیں۔

دونوں فنکاروں نے چٹ منگنی اور پٹ بیاہ کرنے کا بھی فیصلہ کیا اور دونوں کی شادی کی تقریبات کا بھی آغاز ہوگیا ہے۔سارہ علی خان نے انسٹا گرام پر مہندی لگے ہاتھ کی تصویر بھی شیئر کی جس میں دیکھا جا سکتا ہے کہ انہوں نے اپنے ہاتھ پر ’فلک کی دلہن‘ لکھوایا ہے۔ مداحوں کی جانب سے اس جوڑی کو بہت پسند کیا جا رہا ہے اور شوبز ہلکوں کی جانب سے بھی مبارکباد لا سلسلہ جاری ہے۔

واضح رہے کہ سارہ خان اور اداکار آغا علی کچھ عرصے پہلے تک نہ صرف ایک دوسرے کو پسند کرتے تھے بلکہ دونوں کی شادی کی خبریں بھی گردش کرنے لگی تھیں ۔ کافی عرصے تک منگنی ختم ہونے پر دونوں نے خاموشی اختیار کر رکھی تھی لیکن کچھ عرصے بعد آغا علی نے اپنے ایک انٹرویو میں انکشاف کیا تھا کہ ان دونوں کی شخصیت ایک دوسرے سے مختلف ہے جس کے باعث دونوں نے راہیں جدا کرلی ہیں۔جس کے بعد آغا علی نے اداکارہ حنا الطاف کے ساتھ شادی کرلی تھی۔