سٹی 42 : مریم نواز ہیلتھ کلینک کیلئے منتخب نوجوان ڈاکٹرز کیلئے آپریشنل ٹریننگ کا انعقاد ہوگیا ۔
منتخب شدہ ڈاکٹرز کو مریم نواز ہیلتھ کلینک کی آپریشنل مینجمنٹ کے مکمل طریقہ کار سے آگاہ کیا گیا۔
وزیر صحت پنجاب نوجوان ڈاکٹرز سے ملے، انہیں مریم نواز ہیلتھ کلینک کی حوالگی پر مبارکباد دی، کہا کہ وزیراعلیٰ پنجاب کے ویژن کے تحت ڈاکٹرز کو مالی طور پر مضبوط کریں گے، آؤٹ سورس ماڈل کی کامیابی کی صورت میں ڈاکٹرز کو مزید مراعات دیں گے ۔
انہوں نے کہا کہ مریم نواز ہیلتھ کلینک میرٹ، تجربہ ،پروفیشنل مہارت کی بنا پر نوجوان ڈاکٹرز کے حوالےکئے گئے، مقامی ڈاکٹرز کو مریم نواز ہیلتھ کلینک کیلئے ترجیحی دی گئی ۔