قیصر کھوکھر:پنجاب میں انفرادی  پنجاب میں انفرادی اسلحہ لائسنس کے حوالے سے ترمیم و تبدیلی کا عمل اب آن لائن کردیا گیا ہے، جس سے شہریوں کو اسلحہ لائسنس کے متعلق تمام درخواستیں اور خدمات آسانی سے فراہم کی جائیں گی۔

اب شہری اسلحہ بور کی تبدیلی، اسلحہ کیٹیگری میں تبدیلی، اسلحہ لائسنس کی وراثتی منتقلی، ڈوپلیکیٹ لائسنس کی درخواست، اسلحہ کی فروخت، اور لائسنس کی معیاد میں ایکسٹینشن کی درخواستیں آن لائن دے سکتے ہیں۔

پنجاب بھر میں شہری اپنے اسلحہ لائسنس میں موڈیفیکیشن کی درخواست آن لائن جمع کر سکیں گے، جس کے لئے متعلقہ کاغذات اور قانونی فیس بھی آن لائن جمع کی جا سکتی ہے۔ اس عمل کے آغاز سے شہریوں کو اسلحہ لائسنس کے حوالے سے دفاتر کے چکر نہیں لگانے پڑیں گے، اور تمام خدمات گھر بیٹھے دستیاب ہوں گی۔

یہ آن لائن موڈیول پنجاب آرمز رولز 2023 کے تحت تیار کیا گیا ہے، اور محکمہ داخلہ پنجاب اور نادرا کے اشتراک سے اس کا نفاذ کیا گیا ہے۔ اس حوالے سے تمام ڈپٹی کمشنرز کو مراسلہ جاری کر دیا گیا ہے