ویب ڈیسک: خاتون کے تیر کو آگ لگا کر پیروں سے چلانے کی ویڈیو نے سب کو حیرت میں ڈال دیا۔
تفصیلات کے مطابق آپ نے آج تک لوگوں کو ہاتھوں سے تیر چلاتے دیکھا ہوگا، حال ہی میں ایک خاتون کی شیئر کردہ ویڈیو نے سب کو حیران کر دیا ہے، اوریسا نامی خاتون نے برف پوش مقام پر تیراندازی کا وہ کارنامہ کردکھایا جس کی ویڈیو نے سوشل میڈیا پر دھوم مچادی ہے.
View this post on Instagram
انسٹاگرام پر وائرل اس ویڈیو میں دیکھا جاسکتا ہے کہ اوریسا نامی خاتون نے تیر کو آگ لگائی، اسے کمان میں فکس کیا، جس کے بعد تیر کمان پیروں میں تھامتے ہوئے ہاتھوں کی مدد سے اسٹینڈ پر اپنا توازن بنایا،پھر سامنے موجود ہدف بورڈ پر غبارے کا تاک کر نشانہ لیا۔
واضح رہے کہ اوریسا کیلی بین الاقوامی تیرانداز ہیں جو پیروں سے تیر کمان تھامتی ہیں اور Britain Got Talent میں بھی حصہ لے چکی ہیں، اس کے علاوہ اوریسا نے ہالی ووڈ بلاک بسٹر فلم ونڈر وومن میں بھی اداکاری کی ہے۔