پاکستانی ماڈلز کیخلاف منفی مہم چلانے کے معاملے میں اہم پیشرفت

( سٹی42) پاکستانی ماڈلز کیخلاف سوشل میڈیا کے مختلف پلیٹ فارمز پر منفی مہم چلانے کے معاملے پر ایف آئی اے سائبر کرائم سیل کی تحقیقات میں اہم پیش رفت سامنے آئی ہے۔ 

 اس حوالے سے ایف آئی اے ذرائع سے پتا چلا ہے کہ اس منفی مہم کا حصہ بننے والے 4 سو اکاونٹس کی شناخت کرلی گئی ہے۔ ایف آئی اے ذرائع کے مطابق منفی مہم چلانے والے درجنوں اکاؤنٹ انڈیا سے آپریٹ ہو رہے تھے جبکہ لاہور، ملتان، پشاور اور اسلام آباد سے بھی کچھ اکاؤنٹ استعمال کیے گئے۔تفصیلات کے مطابق ایف آئی اے نے پرپیگینڈا مہم چلانے والے مرکزی اکاؤنٹس کو بھی شارٹ لسٹ کرنا شروع کر دیا ہے۔

 اس کارروائی مزید نتیجہ خیز بنانے کیلئے ایف آئی اے سائبر کرائم سندھ سرکل نے متعلقہ اضلاع میں ایف آئی اے حکام سے رابطے بھی شروع کر دیے ہیں۔