ویب ڈیسک : ایشین یوتھ چیمپئن شپ میں میڈل جیتنے والے جوجٹسو کھلاڑیوں کا کراچی ائیرپورٹ پر شاندار استقبال کیا گیا ۔
جوجٹسو کے یہ چیمپئنز تھائی ائیرویز کے ذریعے کراچی پہنچے، جہاں ایس جے جے اے کے عہدیداران، مداحوں اور خیرخواہوں نے ان کا بھرپور استقبال کیا، شائقین نے چیمپئنز کو پاکستان کا نام عالمی سطح پر روشن کرنے پر خراج تحسین پیش کیا کیا۔
پی جے جے ایف کے ایک عہدیدار نے نوجوان کھلاڑیوں زنیرا ذوالفقار، علشبا علی، آمنہ عرفان، محمد معاذ اور عبد الرحمان کی کامیابیوں کو سراہتے ہوئے انہیں قومی ہیروز قرار دیا اور فیڈریشن کے عزم کو دہرایا کہ بہترین کھلاڑیوں کی تیاری جاری رکھی جائےگی۔ انہوں نے یہ بھی اعلان کیا کہ ایشین یوتھ گیمز 2025 (بحرین، اکتوبر) سمیت آنے والے تمام مقابلوں کے لیےکھلاڑیوں اور آفیشلز کو مکمل تعاون فراہم کیا جائےگا ۔ انہوں نے کہا کہ ہم اپنے کھلاڑیوں کی ہر ممکن مدد کریں گے تاکہ وہ مزید کامیابیاں حاصل کرکے پاکستان کا نام روشن کریں۔