آلودہ ترین شہروں کی فہرست میں لاہور کا کونسانمبر؟

فاران یامین : لاہور میں آلودگی کی شرح خطرناک ترین حدتک پہنچ گئی،شہر کاایئرکوالٹی انڈیکس 355 کی حدتک پہنچ گیا،لاہور آلودہ ترین شہروں میں بدستور پہلے نمبر پرآگیا۔
شہر کاایئرکوالٹی انڈیکس 355 کی حدتک پہنچ گیا جس کے باعث لاہور آلودہ ترین شہروں  کی فہرست میں بدستور پہلے نمبر پر موجود ہے۔ ایئرکوالٹی انڈیکس پر آلودگی کی شرح کوٹ لکھپت 520، یو ایس قونصلیٹ 502، ماڈل ٹاؤن 425، ایچی سن کالج مال روڈ 423، ڈی ایچ اے فیز ایٹ 402، فتح گڑھ 391، لاہور امریکن سکول میں 369 ریکارڈ کی گئی۔ محکمہ موسمیات نے آئندہ چوبیس گھنٹوں میں شہر کا مطلع صاف رہنے کی پیشنگوئی کر دی۔

 شہر کا کم سے کم درجہ حرارت 9 ڈگری سینٹی گریڈ اور زیادہ سے زیادہ 23 ڈگری سنٹی گریڈ ہوگا، شہر میں 5 کلومیٹر فی گھنٹہ کی رفتار سے ہوا چلے گی، ہوا میں نمی کا تناسب 92 فیصد ہوگا۔ شہر کا موسم سرد اور خشک رہے گا۔