ماہر ہ خان سالم کریم سے تعلق پر بول پڑیں

  سٹی 42:معروف اداکارہ ماہرہ خان نے اپنے دوست سالم کریم سے رشتے سے متعلق لب کشائی کر دی۔
 تفصیلات کے مطابق ماہرہ خان نے اپنے حالیہ انٹرویو  میں  اپنے قریبی دوست سے تعلق پر بات کی، میزبان نے جب ان سے سوال پوچھا کہ حسن شہریار کے شو میں ہی آپ نے سالم کریم سے رشتے سے متعلق بات کرنے کا فیصلہ کیوں کیا؟ سوال کے  جواب میں ماہرہ خان کا کہنا تھا کہ سچ کہوں تو میں نے حسن کے شو میں یہ بات کرنے کا  فیصلہ نہیں کیا تھا حتٰی کہ میں نے کسی بھی شو میں اپنی ذاتی زندگی پر بات کرنا نہیں چاہتی۔ انہیں میں نے کہا بھی تھا کہ میں اس موضوع پر بات نہیں کروں گی۔
ماہرہ خان نے یہ بھی کہا کہ میرے متعلق حسن شہریار جانتے ہیں اور انہیں میری  کافی باتوں کا علم ہے اور انہیں وہ بات بھی پتہ تھی، اسی لیے جب بات سے بات نکلی تو اْن کی زبان سے نام بھی پھسل  گیا اور سب کچھ بتا دیا لیکن میں نے اْن کی بات کی تردید نہیں کی اس لیے کہ  میں اْن لوگوں میں سے نہیں ہوں جو سچ کو تسلیم کرنے  سے انکار کر دیتے ہیں۔
واضح رہے کہ سالم کریم، ماہرہ خان کے قریبی دوست سمجھے جاتے ہیں جب کہ اس سے قبل بھی ماہرہ خان ثمینہ پیرزادہ کے شو میں ان سے  محبت کا اظہار کر چکی ہیں۔