سٹی42:  وزیر اعظم شہباز شریف نے پالیسی ریٹ میں 2 فیصد کمی کا خیر مقدم کرتے ہوئے کہا کہ معیشت کی بحالی کے لئے وزیر خزانہ اور اداروں کی کوششیں لائق تحسین ہیں۔

وزیراعظم  نے سٹیٹ بینک کی نئی مونیٹری پالیسی کے آنے کے بعد اس پر تبصرہ کرتے ہوئے کہا کہ پالیسی ریٹ کا 13 فیصد پر آنا ملکی معیشت کے لئے خوش آئند ہے ۔ وزیراعظم  نے تو پاکیسی ریٹ میں دو پرسنٹ کمی کو خوش آئند قرار دیا ہے لیکن پاکستان کے ایکسپورٹ  مینوفیکچرنگ سے وابستہ افراد انٹرسٹ ریٹ میں پانچ پرسنٹ کمی کا مطالبہ کر رہے ہیں۔

 شہباز شریف نے کہا، پالیسی ریٹ میں کمی سے پاکستانی معیشت پر سرمایہ کاروں کا اعتماد بڑھے گا۔  کم افراط زر کی شرح کی بدولت پالیسی ریٹ میں کمی آئی ہے۔

 امید کرتے ہیں کہ آنے والے مہینوں میں افراط زر میں مزید کمی ہو گی۔