ویب ڈیسک: واٹس ایپ نے حال ہی میں اپنے ویڈیو کالنگ آپشن میں نئے فیچرز متعارف کرائے ہیں، جس کا مقصد کالنگ کے تجربے کو صارفین کیلئے آرام دہ اور پیشہ ورانہ طور پر بہتر بنانا ہے۔

 تازہ ترین اپ ڈیٹس ایک تفریحی اور تخلیقی کمیونکیشن کو شامل کرتے ہوئے ویڈیو کال کی فعالیت کو بڑھانے پر مرکوز ہیں جو کہ درج ذیل ہیں۔

 1۔ گروپ کال کے شرکا کا انتخاب

 سب سے زیادہ نئی خصوصیات میں سے ایک صارفین کو گروپ ویڈیو کالز شروع کرتے وقت مخصوص شرکا کا انتخاب کرنے کی اجازت دینا ہے جس سے صارف کو اس بات کا زیادہ کنٹرول مل جاتا ہے کہ کال میں کس کو شامل کیا جائے۔

 2۔ویڈیو کال کے نئے ایفیکٹس

 واٹس ایپ نے 10 تازہ ویڈیو کال ایفیکٹس متعارف کرائے ہیں جن میں پپی ایئر، انڈر واٹر تھیمز اور کروکے مائیکروفون جیسے آپشنز شامل ہیں۔ یہ ایفیکٹس ویڈیو کال کو مزید پرلطف اور دلکش بنانے کے لیے بنائے گئے ہیں۔

 3۔ ڈیسک ٹاپ ورژن اور ہائی ریزولوشن

 واٹس ایپ نے صارفین کے لیے ڈیسک ٹاپ ورژن کو بھی بہتر بنایا ہے جو کہ اپ ڈیٹ ویڈیو کالنگ کے معیار کو بہتر بناتا ہے، خاص طور پر ہائی ریزولیوشن کالز کے لیے۔ یہی وجہ ہے کہ واٹس ایپ ویڈیو کالنگ پلیٹ فارمز جیسے زوم وغیرہ سے زیادہ مقبول ہورہا ہے۔

 4۔ لچک اور سہولت

 اس نئی خصوصیات کے ساتھ واٹس ایپ صارفین کی کئی مشکلات کو دور کرسکے گا جو کہ گروپ کالز میں لچک (flexibility) کو بڑھائے گا اور ایک بھرپور، زیادہ ورسٹائل ورچوئل کمیونیکیشن کا تجربہ فراہم کرے گا۔