سٹی42:فردووس بیگم نے 200 فلموں میں اداکاری کے جوہر دکھائے، سپر ہٹ فلموں میں’ہیر رانجھا،’آنسو‘، ’ضدی‘ ،’مرزا جٹ‘،  اور بے شمار دیگر فلمیں شامل ہیں۔

ہیروئن کا کردار ہو یا ساتھی اداکارہ، ماں کا رول ہو یا کوئی اور اصل نام پروین، 1947 میں جنم لینے والی فردوس نے ہر کردار میں جان ڈال دی،14 برس کی عمر میں فلم نگری میں قدم رکھا، 60 اور 70 کی دہائیوں میں کمال عروج پایا۔

بہترین اداکارہ کا نگار ایوارڈ بھی اپنے نام کیا، فلم آنسو میں لازوال اداکاری پر بھی ایوارڈ پایا، فردوس بیگم نے اپنے دور کے ہر ہیرو کے ساتھ کام کیا، کم عمری میں ہی منجھی ہوئی اداکاری کرنا شروع کر دی تھی۔

لالی ووڈ کا یہ درخشاں ستارہ 16 دسمبر 2020 کو آنکھوں سے ہمیشہ کیلئے اوجھل ہوگیا، فردوس بیگم مداحوں کیلئے اپنے فن کا خزانہ چھوڑ گئی ہیں۔