(عابد چوہدری ) گلبرگ میں قرشی پارک کے سامنے تیز رفتار کار سوار نے سڑک عبور کرتے نوجوان کو کچل دیا ، بے قابو کار شہری سے ٹکرا کر پارک میں جا گری۔
پولیس کے مطابق گلبرگ کے علاقے میں قرشی پارک کے قریب تیز رفتار کار نے سڑک عبور کرتے شہری کو کچل دیا جبکہ بے قابو کار قرشی پارک کے جنگلے سے ٹکرا کر پارک میں گھس گئی ۔نامعلوم شخص زخموں کی تاب نہ لاتے ہوئے موقع پر ہی دم توڑ گیا جبکہ پولیس نےکار ڈرائیور ہاشم ہارون کو گرفتار کر لیا ۔ پولیس نے متوفی کی لاش مردہ خانے منتقل کر دی اور کار قبضہ میں لیکر کاروائی شروع کر دی ہے ۔
دوسری جانب لیاقت آباد میں ڈولفن اہلکاروں کی فائرنگ سے نوجوان کی ہلاکت میں ملوث چاروں ڈولفن اہلکاروں کو کلوز ٹو ہیڈ کوارٹر کردیا گیا ۔
گذشتہ روز ڈولفن اہلکاروں نے مبینہ پولیس مقابلے کے دوران جہانگیر نامی نوجوان کو فائرنگ کر کے ہلاک کر دیا تھا ۔ ڈولفن اہلکاروں کو نوجوان پر فائرنگ کرتے دیکھا گیاہے۔
پولیس کی جانب سے مقتول کے والد کے بیان کو بھی مقدمہ کا حصہ بنانے پر واقعہ میں ملوث چاروں اہلکاروں کو کلوز ٹو ہیڈ کوارٹر کردیا گیا ہے ۔کلوز ہونے والے اہلکاروں میں اعظم،نعمان،مبشر اور ثاقب ہیں۔ ایس پی ڈولفن کا کہنا ہے کہ اہلکاروں کے خلاف محکمانہ کاروائی کی جا رہی ہے مگر دوسری جانب ڈولفن اہلکاروں کو نہ گرفتار کیا گیا اور نہ ہی شامل تفتیش کیا جا سکا ہے۔