اسرار خان : یوم آزادی پر بہترین کارکردگی کے حامل افسران اور اہلکاروں میں تعریفی اسناد تقسیم کیے گئے ۔ 

ایس پی سٹی کیپٹن ریٹائرڈ قاضی علی رضا نے افسران و اہلکاروں میں سرٹیفکیٹ تقسیم کئے ۔ تعریفی اسناد ایس ایچ او نولکھا، ایس ایچ او مستی گیٹ، ایس ایچ او اسلام پورہ کو دی گئیں، اس کے علاوہ تھانہ گوالمنڈی، رنگ محل، یکی گیٹ، موچی گیٹ کے ایس ایچ اوز، اور ایس ایچ او شاد باغ، ایس ایچ او مصری شاہ، ایس ایچ او لاری اڈہ کو بھی تعریفی اسناد دی گئیں ۔ ایس ایچ او ٹبی سٹی، ایس ایچ او بادامی باغ سمیت دیگر اہلکاروں کو بھی تعریفی اسناد سے نوازا گیا ۔ 

ایس پی سٹی کا کہنا ہے کہ محنت اور ایمانداری سے فرائض منصبی انجام دینے والے اہلکار ہمارا فخر ہیں، اہلکاروں کی حوصلہ افزائی سے ان کی کارکردگی مزید بہتر ہوتی ہے ۔