(وقاص احمد)بادامی باغ کے علاقے میں سسرالیوں کا بہو پر مبینہ تشدد،متاثرہ بہو نے الزام لگایا کہ پولیس سسرالیوں کے خلاف کارروائی نہیں کر رہی۔

تفصیلات کے مطابق بادامی باغ قذافی کالونی کی رہائشی مریم نامی خاتون نے سٹی 42سے گفتگو کرتے ہوئے بتایا کہ شوہر حیدر سمیت دیگر گھر والے اس پر تشدد کرتے ہیں۔متاثرہ خاتون نے مزید بتایا کہ چند روز قبل بھی سسرالیوں نے تشدد کیا جس کے خلاف تھانہ بادامی باغ پولیس کو درخواست دی مگر کوئی شنوائی نہیں ہوئی۔

متاثرہ خاتون اور اسکے والد نے الزام لگایا کے پولیس کی طرف سے کارروائی نہ ہونے پر سسرالیوں اور تشدد کرنے والوں کے حوصلے بڑھ گئے ہیں،انہوں نے پولیس افسران سے تشدد کرنے والوں کے خلاف کارروائی کرنے کا مطالبہ کیا۔