فیروز پور روڈ (درنایاب) ایل ڈبلیو ایم سی کا محرم الحرام کے جلوسوں کے روٹس کی صفائی کا ورکنگ پلان تیار، سی ای او ایل ڈبلیو ایم سی رافعہ حیدر کا چلڈرن ورکشاپ کا دورہ، انتظامات کا جائزہ لیا۔

 ایل ڈبلیو ایم سی نے محرم الحرام جلوسوں کے راستوں کی صفائی کا جامع ورکنگ پلان تیارکرلیا، سی ای او ایل ڈبلیو ایم سی رافعہ حیدر نے گزشتہ روز چلڈرن ورکشاپ کا دورہ کیا اورصفائی سے متعلقہ انتظامات کو حتمی شکل دی، ورکشاپ میں ملازمین کیلئے سیفٹی پروٹوکول اور ایس او پیز پر عمل درآمد کا بھی جائزہ لیا۔ 

سی ای او ایل ڈبلیو ایم سی کی ہدایات کے مطابق ایل ڈبلیو ایم سی کی تمام گاڑیاں اور ورکرز کو روٹ پلان کے مطابق فیلڈ میں رہنے کے حکامات جاری کر دیئے گئے ہیں، محرم الحرام میں جلوسوں کے راستوں پر صفائی کیلئے ہر ممکنہ وسائل کو بروئے کار لایا جائے گا، عام دنوں کی طرح تعطیلات اور تہواروں میں بھی ہیومن ریسورس پورا رکھا جائے گا، ورکرز کوہر صورت اپنی 100 فی صد حاضری کو پوراکرنے کے احکامات بھی جاری کردیئے گئے ہیں، مسلسل غیر حاضر رہنے والے ملازمین کو کسی قسم کی رعایت نہیں دی جائے گی۔