حسن خالد: ڈیفنس فیز 6 کے علاقے میں تیز رفتار ہنڈا گاڑی اُلٹ گئی، حادثے میں ڈرائیور زخمی ہوگیا،گاڑی مکمل تباہ ہوگئی۔ پولیس نے گاڑی قبضے میں لے کر تحقیقات کا آغاز کردیا ہے ۔
 
تفصیلات کےمطابق ڈیفنس فیز 6 کے علاقے میں رات گئے ریس لگاتی گاڑی برق رفتاری کے باعث سپیڈ پر کنٹرول نہ رکھ سکی اور اُلٹ گئی، کار حادثے میں ڈرائیور خوش قسمتی سے محفوظ رہا تاہم اُسے معمولی زخم آئے جبکہ حادثے میں گاڑی مکمل طورپر تباہ ہوگئی۔ پولیس نے گاڑی قبضے میں لے کر تحقیقات کا آغاز کردیا ہے ۔

 دوسری جانب لاہور کے علاقہ شمالی چھاؤنی میں معمولی بات پر جھگڑا ہوگیا، شادی ہال کے باہر گاڑی کھڑی کرنے پر دو گروپوں کے مابین جھگڑے میں  2 خواتین سمیت 8 افراد زخمی ہوگئے،واقعہ کے فوری بعد پولیس جائے وقوعہ پرپہنچی تاہم ملزمان فرار ہوچکے تھے۔

پولیس حکام کا کہناتھا کہ عبدالرحمن گروپ اور ارشد بخاری گروپ کے درمیان تنازع ہوا،زخمیوں میں زرک عباس، اجمل، انجم، حسین نقوی شامل ہیں، ملزمان موقعہ سے فرار ہوگئے جن کیسی سی ٹی وی فوٹیج کی مدد سے تلاش اور دیگر عینی شاہدین کے بیانات لئے جارہے ہیں، تاحال ملزمان کی گرفتاری عمل میں نہیں آسکی، پولیس کا کہناتھا کہ بہت جلد ملزمان حراست میں ہوں گے۔