سٹی42: وزیراعلیٰ مریم نواز نے گندم کے ساڑھے پانچ لاکھ کاشتکا روں کے ئے گیم چینجر منصوبہ پیش کر دیا۔
مریم نواز نے آج اعلان کیا کہ وہ کسان کا نقصان نہیں ہونے دیں گی۔ گندم کے تمام کاشت کاروں کو 15 ارب روپےکا گندم سپورٹ پیکیج دیا جا رہا ہے۔
سپورٹ رقم براہ راست، آبیانہ اور فکسڈ ٹیکس میں چھوٹ
وزیراعلیٰ مریم نوازنے گندم کے کاشتکا روں کے لیے پیکج کا اعلان کر دیا، گندم سپورٹ فنڈ کے تحت 15ارب روپے کے فنڈز کی منظوری دے دی، گندم کے کاشتکاروں کو کسان کارڈ کے ذریعے ڈائریکٹ سپورٹ کی رقم دی جائے گی۔ مریم نوازنے کاشتکاروں کے لئے آبیانہ اورفکسڈ ٹیکس میں چھوٹ کا اعلان بھی کر دیا۔
ساڑھے پانچ لاکھ کاشت کاروں کو انسٹنٹ ریلیف ملے گا
وزیراعلیٰ مریم نواز نے گندم کے ساڑھے پانچ لاکھ کاشتکاروں کے لیے بڑے مالیاتی ریلیف پیکج کا اعلان کرتے ہوئے کہا ہے کہ کسان ہمارے بھائی ہیں اور ہم ہر دم ان کے ساتھ کھڑے ہیں۔ مریم نواز نے گندم سپورٹ فنڈ کے تحت 15 ارب روپے کے فنڈز کی منظوری دے دی ہے، جس کے تحت کسان کارڈ کے ذریعے کاشتکاروں کو براہِ راست مالی امداد فراہم کی جائے گی۔
کاشتکاروں کے لیے مزید سہولتوں کا اعلان کرتے ہوئے مریم نواز نے کہا کہ ابیانہ اور فکس ٹیکس میں چھوٹ دی جا رہی ہے۔ اس کے ساتھ ساتھ، گندم کو موسمی اثرات سے بچانے کے لیے چار ماہ کی مفت اسٹوریج سہولت بھی مہیا کی جائے گی۔
وئیر ہاؤس میں گندم رکھنے کی سہولت، الیکٹرانک رسید
وزیراعلیٰ مریم نے الیکٹرانک وئیر ہاؤسنگ ریسیٹ سسٹم کے نفاذ کا اعلان کرتے ہوئے بتایا کہ اب گندم سٹور کرنے والے کاشتکار کو الیکٹرانک رسید ملے گی، جسے وہ 24 گھنٹے کے اندر بینک میں جمع کرا کر 70 فیصد تک قرض حاصل کر سکیں گے۔
گندم اور گندم کی پروڈکٹس کی ایکسپورٹ کیلئے معاونت
مریم نواز نے ان اقدامات پر ہی بس نہیں کیا، انہوں نے بتایا کہ پنجاب کے کاشتکار کی بہت محنت سے پیدا کی گندم اور اس سے تیار کی پروڈکٹس کی ایکسپورٹ کے لیے وفاق سے رابطہ کیا جائے گا، جب کہ صوبائی اور ضلعی سرحدوں پر گندم اور آٹے کی نقل و حمل پر عائد پابندی بھی ختم کر دی گئی ہے۔
وئیرہاؤس بنانے کے قرضے پر مارک اپ مریم نواز برداشت کریں گی
انہوں نے کہا کہ نجی سیکٹر کو گندم سٹوریج اور ویئر ہاؤسز کی بحالی اور تعمیر کے لیے پنجاب بینک فنانسنگ فراہم کرے گا، جب کہ حکومت پنجاب 5 ارب روپے کا مارک اپ خود ادا کرے گی۔
مریم نوز نے واضح الفاظ میں کہا کہ اگر کاشتکار نے گندم لگائی ہے تو اسے مکمل معاوضہ ملے گا، کسان کا نقصان نہیں ہونے دوں گی۔
اس سے پہلے وزیراعلٰی مریم نواز نے لاہور میں ماحولیاتی تحفظ فورس کی پاسنگ آؤٹ پریڈ سے خطاب میں کہا کہ ماضی میں 4 سال حکومت کرنے والوں نے اپنے خزانے بھرے، آج کسی بھی کونے سے ڈیفالٹ کی آواز نہیں آ رہی۔
وزیراعلیٰ پنجاب کا کہنا تھا کہ بیرون ملک مقیم پاکستانیوں نے ترسیلات زر کا ریکارڈ توڑ دیا، باقی صوبے بھی پنجاب کی کاپی کر رہے ہیں۔