ویب ڈیسک: نیشنل ہاکی اسٹیڈیم میں نئی ٹرف بچھانے کا کام شروع ہوگیا۔
تفصیلات کے مطابق وزیر اعلی پنجاب کے مشیر کھیل اور معروف پاکستانی کرکٹر وہاب ریاض نے ٹرف بچھانے کا افتتاح کیا، سیکرٹری سپورٹس شاہد زمان ، ڈی جی سپورٹس ڈاکٹر آصف طفیل، ڈائریکٹر یوتھ افئیر سید عمیر حسن،ڈپٹی ڈائریکٹر پلاننگ رؤف باجوہ بھی اس موقع پر موجود تھے۔
مشیر کھیل وہاب ریاض کا کہنا تھاکہ بین الاقوامی معیارکی ٹرف بچھا رہے ہیں، کھلاڑیوں کو بہترین سہولیات فراہم کریں گے، نئی ٹرف پر جلد ایک قومی سطح کا ٹورنامنٹ بھی کروائیں گے۔