سٹی42 : انٹر بینک میں کاروبار کے آغاز میں امریکی ڈالر مہنگا ہو گیا جبکہ پاکستان سٹاک ایکسچینج میں اتار چڑھاؤ کا سلسلہ جاری رہا۔
منگل کو کاروبار کے آغاز پر انٹر بینک میں ڈالر کا بھائو 4 پیسے بڑھ گیا جس کے بعد امریکی کرنسی کی قیمت 277 روپے 70 پیسے ہو گئی۔
گزشتہ روز کاروبار کے اختتام پر انٹر بینک میں ڈالر کا ریٹ 277 روپے 66 پیسے پر بند ہوا تھا۔
دوسری جانب سٹاک ایکسچینج میں کاروبار کے آغاز میں ملا جلا رجحان دیکھنے میں آ رہا ہے۔ سٹاک مارکیٹ میں کاروبار مثبت زون میں شروع ہوا تاہم تھوڑی دیر بعد انڈیکس میں اضافہ ہونا شروع ہو گیا، بعد ازاں 100 انڈیکس میں 201 پوائنٹس کا اضافہ دیکھا گیا جس سے انڈیکس 85ہزار462 پوائنٹس پر پہنچ گیا۔