رائل پارک (زین مدنی) باصلاحیت اداکار عمران اشرف کی سوشل میڈیا پر شیئر کی گئی ویڈیو نے مداحوں کے دل جیت لیے۔

عمران اشرف نے اپنی مائیکرو بلاگنگ ویب سائٹ ٹوئٹر پر لکس اسٹائل ایوارڈز کے انٹرویو سے لیا گیا ایک چھوٹا سا کلپ شیئر کیا، اس ویڈیو میں دیکھا جا سکتا ہے کہ ایک میزبان عمران اشرف کو 3 سیکنڈ کے اندر اندر مشہور زمانہ کردار بھولا میں ڈھلنے کا ٹاسک دیتا ہے، اس مختصر سی ویڈیو میں عمران اشرف میزبان کے کہنے پر اپنا مشہورِ زمانہ کردار بھولا بن کر دکھا رہے ہیں اور 3 سیکنڈ کے بجائے اگلے ہی لمحے بھولا بن کر بات کرنا شروع کر دیتے ہیں۔اس ویڈیو کو انٹرنیٹ صارفین کی جانب سے خوب پسند کیا جا رہا ہے جبکہ لکس اسٹائل ایورڈز جیتنے والے اداکار عمران اشرف سے متعلق کہنا ہے کہ وہ واقعی میں اعلیٰ پائے کے اداکار ہیں۔

جس کردار نے مجھے بنایا ہے وہ بننے کے لیے 3 سیکنڈ زیادہ ہیں pic.twitter.com/8t7JvmgoYK

— Imran Ashraf (@IamImranAshraf) October 10, 2021

دوسری جانب عمران اشرف نے اپنی یہ مختصر سی ویڈیو شیئر کرتے ہوئے ٹوئٹر پر لکھا ہے کہ جس کردار نے مجھے بنایا ہے وہ بننے کے لیے 3 سیکنڈ زیادہ ہیں۔