ویب ڈیسک : خوشی کپور، ویدانگ رائنا کے تعلقات بریسلٹ نے عیاں کردیے جس پر بالاخر خوشی کپور کو بھی بولنا پڑ گیا 

سری دیوی اور بونی کپور کی چھوٹی بیٹی خوشی کپور نے فلم 'دی آرچیز' سے بالی وڈ میں اپنی اداکاری کا آغاز کیا لیکن ایک مشہور شخصیت ہونا اتنا آسان کیوں کہ عوام کی جانب سے سیلیبریٹریز کی پوری طرح سے جانچ پڑتال کی جاتی ہے جس سے خوشی بھی مستثنیٰ نہیں ہیں۔اپنے کیرئیر کے آغاز سے ہی خوشی کی ذاتی زندگی کا کافی چرچا رہا ہے، ان کے بارے میں قیاس کیا جاتا ہے کہ وہ اداکار ویدانگ رینا کے ساتھ ڈیٹنگ کر رہی ہیں۔اس مبینہ جوڑے نے کبھی ان افواہوں پر کوئی ردِ عمل ظاہر نہیں کیا لیکن ان کا اکثر تقریبات میں اکٹھا پایا جانا اور انداز و اشار ے دونوں کے درمیان محبت کی چنگاری ہونے کا پتا دیتے ہیں۔

حال میں ہی  سوشل میڈیا صارفین نے خوشی کپور کی ایک تصویر میں ان کے ہاتھ میں ایک بریسلیٹ کی نشاندہی کی تھی جس پر ویدانگ رائنا کا نام کنندہ تھا جس سے ایک بار پھر دونوں کی ڈیٹنگ کی افواہیں زور پکڑ گئیں۔جس پرخوشی کپور نے ان افواہوں کے بارے میں اپنے خیالات کا اظہار کیا ہے۔

 خوشی کپور سے ان کی ذاتی زندگی کے بارے میں ڈیٹنگ بز پر ان کے ردعمل کے بارے میں پوچھا گیا۔ اداکارہ نے انکشاف کیا کہ یہ ان کے لیے نئی چیز ہے، پہلے کی طرح انہیں کبھی بھی اس حوالے سے بہت زیادہ سوچنا نہیں پڑا۔اداکارہ نے بتایا کہ وہ اپنی تمام تر توجہ اپنے کام میں لگانا چاہتی ہیں اور وہ اس حقیقت کو سمجھتی ہیں کہ ایک مشہور شخصیت ہونے کے ناطے لوگوں کو ان کے بارے میں یقیناً کوئی خاص تجسس ہوگا لیکن وہ اپنی ذاتی زندگی کو نجی رکھنا چاہیں گی اور پیشہ ورانہ امور پر توجہ مرکوز کرنا چاہیں گی۔خوشی کپور کا مزید کہنا تھا کہ یہ یقینی طور پر میرے لیے نیا ہے اور یہ ایسی چیز نہیں ہے جس پر مجھے بہت زیاد سوچنا پڑے، میں اپنے کام کو مرکزی توجہ دینا چاہوں گی۔اداکارہ کے مطابق میں سمجھتی ہوں کہ جب آپ لوگوں کی نظروں میں رہتے ہوں تو ایک خاص تجسس ہوتا ہے لیکن میرے خیال میں یہ سب سے بہتر ہے کہ اپنی ذاتی زندگی کو نجی رکھیں اور اپنے کام کو ترجیح دیں۔

  واضح رہے  کچھ روز قبل اپنے انسٹاگرام ہینڈل پر خوشی کپور نے اپنی مالدیپ کی چھٹیوں سے متعدد تصاویر پوسٹ کی تھیں، جن میں سے ایک میں وہ سفید پتلون کے ساتھ سرخ رنگ کے برالیٹ میں شاندار نظر آ رہی ہیں۔

انسٹا پر وہ تصویر پوسٹ ہونے کے بعد وائرل ہوگئی تھی کیونکہ عقابی نظروں والوں نے  تصویر میں خوشی کے ہاتھ پر ایک بریسلٹ دیکھا تھا۔دلچسپ بات یہ ہے کہ خوشی کے بریسلٹ پر ویدانگ کا نام تھا اس لیے اس نے بالی ووڈ کے دو نئے اداکاروں کے درمیان ڈیٹنگ کی افواہوں کو ایک بار پھر بھڑکا دیا۔