سٹی 42: بالی ووڈ اداکارہ شردھا کپورکی نئی فلم کا اعلان کردیا گیاجس میں وہ ناگن کے روپ میں جلوہ گرہوں گی۔
فلم کے پروڈیوسرنکھل دویدی نے فلم کے حوالے سے بتایاہے کہ ہمیں فلم کا اسکرپٹ تیار کرنے میں تین سال لگے، یہ ایک بالکل نیا موضوع ہے جس کا پہلے بننے والی فلموں سے کوئی تعلق نہیں،یہ فلم بنانے کی بڑی وجہ لوک داستانیں ہیں، امیدہے کہ فلم بینوں کو ایک منفرد اور مافوق الفطرت فلم دیکھنے کو ملے گی۔ فلم کی کاسٹ کے بارے میں سوال کے جواب میں ان کا جواب تھاکہ شردھا کی قابلیت اور صلاحیت نے انہیں ناگن کے لیے بہترین انتخاب بنا دیا اور ہمیں خوشی ہے کہ وہ اس فلم کا حصہ ہیں۔
نکھل نے انکشاف کیا کہ جب شردھاکپور کو اس فلم میں کام کرنے کی پیشکش کی گئی تو انہوں نے فوراً حامی بھر لی، ہم نے اس فلم کے بنانے کے خیال کے ساتھ ہی شردھا سے رابطہ کیا تھا اور وہ اسی وقت راضی ہوگئی تھیں،وہ اب فلم کی شوٹنگ شروع ہونے کا انتظار کررہی ہیں۔ نکھل دویدی کے مطابق اس فلم کی شوٹنگ اگلے سال تک شروع ہوسکتی ہے۔