سٹی 42 :سی ٹی ڈی نے اسلام آباد میں کارروائی کے دوران حساس اداروں کے دفاتر پر حملہ کرنے کی منصوبہ بندی ناکام بنا دی ۔
ذرائع کے مطابق الخوارج گروپ کے 6 دہشت گردوں کو گرفتار کیا گیا۔ الخوارج گروہ کے دہشت گردوں کو اسلام باد اور کے پی سے گرفتار کیا گیا، ملزمان کے قبضہ سے بھاری مقدار میں بارودی مواد بھی برآمد کر لیا گیا۔
تفتیشی ذرائع سےمعلوم ہوا ہے کہ دہشت گرد نور ولی محسود گروپ سے رابطے میں تھے۔ اسلام آباد سے گرفتار دہشت گرد کی نشاندھی پر سوات میں بھی آپریشن کیا گیا۔ گرفتار دہشت گردوں سے مزید تفتیش جاری ہے۔