شہباز علی: ورلڈکپ میں قومی ٹیم کی ناقص کارکردگی کے بعد مشاورت جاری، چیئرمین مینجمنٹ کمیٹی ذکا اشرف آج بھی اہم ملاقاتیں کریں گے۔
کپتان بابر اعظم آج دوپہر چیئرمین پاکستان کرکٹ بورڈ (پی سی بی) مینجمنٹ کمیٹی چودھری ذکا اشرف سے ون آن ون ملاقات کریں گے، بابر اعظم ورلڈکپ میں قومی ٹیم کی ناقص کارکردگی کی وجوہات پر رپورٹ دیں گے۔
ذرائع کے مطابق بابر اعظم کے بطور کپتان مستقبل کا فیصلہ آج متوقع ہے، بابر اعظم کو ٹیسٹ ٹیم کا کپتان برقرار رکھنے کی تجویز ہے، ون ڈے اور ٹی 20 فارمیٹ کے لئے نیا کپتان لانے کی تجویز ہے، قومی ٹیم کے ہیڈ کوچ گرانٹ بریڈ برن، ٹیم ڈائریکٹر مکی آرتھر بھی رپورٹس دیں گے۔