(اسرار خان) چوہنگ میں گلی میں کھیلتی ہوئی تین سالہ بچی کو ٹرک نے کچل ڈالا ، حادثے میں معصوم بچی موقع پر ہی دم توڑ گئی ۔
پولیس کے مطابق واقعہ چوکی شیر شاہ کے علاقے پیر محل قبرستان کے قریب پیش آیا جہاں تین سالہ فضہ گلی میں کھیل رہی تھی کہ ریورس آتے ہوئے ٹرک نے کچل ڈالا ، حادثے میں ننھی فضہ موقع پر ہی دم توڑ گئی ۔
واقعہ کی اطلاع ملنے پر پولیس اور فرانزک ٹیمیں موقع پر پہنچ گئیں، جنہوں نے جائے وقوعہ سے شواہد اکٹھے کرکے ٹرک قبضے میں لے لیا ۔ پولیس کا کہنا ہے حادثے کے بعد ٹرک ڈرائیور موقع سے فرار ہو گیا جس کی تلاش جاری ہے۔