(ویب ڈیسک)اداکارہ کترینہ کیف اور اداکار وکی کوشل  کی شادی کی تیاریاں جاری ہیں ،  شادی کے لیے ہوٹل میں بکنگ بھی کر لی گئی ہے۔

    بھارتی میڈیا رپورٹس کے مطابق   کترینہ کیف  اور ان کے ہونے والے شوہر سے کا کچھ چیزوں میں موازنہ کیا جائے تو کترینہ عمر میں وکی کوشل سے بڑی ہیں، صرف یہی نہیں بلکہ کترینہ کیف آمدنی، جائیداد، گاڑی سمیت دیگر کئی چیزوں میں وکی کوشل سے آگے ہیں۔

کترینہ کیف تقریباً بھارتی 200 کروڑ روپے کی مالک ہیں جب کہ وکی کوشل کے اثاثوں کی مالیت 25 کروڑ بھارتی روپے ہے،کترینہ کیف کی سالانہ آمدنی 15 کروڑ  بھارتی روپے جب کہ وکی کوشل کی سالانہ آمدنی 8 کروڑ بھارتی روپے ہے۔ ۔ کترینہ کی تاریخ پیدائش  16 جولائی 1983 جب کہ وکی کوشل 16 مئی 1988 کو پیدا ہوئے،  یعنی کترینہ وکی کوشل سے 5 سال بڑی ہیں۔  وکی کوشل ممبئی کے اندھیری ویسٹ میں واقع کوشل کے اپارٹمنٹ کی 28 ویں منزل پر اپنے والدین اور بھائی کے ساتھ رہتے ہیں۔کترینہ کیف ممبئی میں 2 مہنگے اپارٹمنٹس کی مالک ہیں جن کی قیمت تقریباً 45 کروڑ روپے بھارتی ہے۔کترینہ کیف اور وکی کوشل کی شادی کی تقریبات 7 سے 12 دسمبر تک جاری رہیں گی ۔