ویب ڈیسک: ٹی 20 ورلڈکپ میں فتح کے بعد آسٹریلوی کھلاڑیوں کی ڈریسنگ روم عجیب و غریب انداز میں جشن منانے کی ویڈیو وائرل ہوگئی۔
ٹی 20 ورلڈکپ کے فائنل میں آسٹریلیا نے نیوزی لینڈ کو یکطرفہ مقابلے کے بعد با آسانی شکست دے کر پہلی بار ٹی 20 ورلڈ چیمپئن کا ٹائٹل اپنے نام کیا۔آسٹریلوی کھلاڑیوں نے اپنی فتح کے بعد جہاں میدان میں خوب جشن منایا وہیں ڈریسنگ روم میں عجیب و غریب انداز میں جشن منایا جس کی ویڈیو منظر عام پر آنے کے بعد سوشل میڈیا پر وائرل ہوگئی ہے۔
آسٹریلوی کھلاڑیوں کی ڈریسنگ روم میں جشن منانے کی ویڈیو آئی سی سی کی جانب سے شیئر کی گئی۔ ویڈیو میں اپنی فتح پر انتہائی خوش میتھیو ویڈ نے ایک عجیب انداز اپنایا اور اپنا جوتا اتار کر اس میں مشروب پیا۔میتھیو ویڈ کے اس انداز پر ان کے کچھ ساتھی کرکٹرز نے بھی ایسا ہی کیا اور ان ہی کے جوتے میں مشروب پیا۔ جہاں آسٹریلیا کے پہلی مرتبہ ٹی 20 ورلڈ چیمپئن بننے کے چرچے ہیں وہاں ہی ان کے کھلاڑیوں کی عجیب و غریب انداز میں جشن منانے کی ویڈیو بھی خوب وائرل ہو رہی ہے۔
How's your Monday going? ????#T20WorldCup pic.twitter.com/Fdaf0rxUiV
— ICC (@ICC) November 15, 2021