حفیظ کی شاندار بیٹنگ ، قلندرز نے زلمی کو سبق سکھا دیا

(سٹی 42)پی ایس ایل کا دلچسپ میچ، قلندرز نے زلمی کو ہرادیا،شعیب ملک 39، ہارڈس ویلیون 37 اور فاف ڈیوپلیسی 31 رنز بناکر نمایاں رہے۔
تفصیلات کے مطا بق پشاور زلمی نے لاہور کو مقررہ 20 اوورز میں 171 رنزکا ہدف دیا جو قلندزر نے 19 ویں اوورز میں 5 وکٹوں کے نقصان پر حاصل کرلیا۔ نیشنل اسٹیڈیم میں کھیلے گئے میچ میں لاہور قلندرز نے ٹاس جیت کر زلمی کو پہلے بیٹنگ کی دعوت دی۔زلمی کی وقفے وقفے سے وکٹیں گرتی رہیں۔پشاور زلمی کی جانب سے اننگز کا آغاز امام الحق اور حیدر نے کیا، جو مایوس کن رہا اور حیدر علی بغیر کوئی رنز بنائے آوٹ ہوئے۔زلمی کی وقفے وقفے سے وکٹیں گرتی رہیں تاہم شعیب ملک، ہارڈس ویلیون اور فاف ڈیوپلیسی کی ذمہ دارانہ بیٹنگ کی بدولت پشاور نے مقررہ اوورز میں 9 وکٹوں کے نقصان پر 170 رنز بنائے، شعیب ملک 39 رنز بناکر نمایاں رہے ۔شعیب ملک 39، ہارڈس ویلیون 37 اور فاف ڈیوپلیسی 31 رنز بناکر نمایاں رہے۔ 
لاہور قلندرز کے دلبر حسین نے 3 جبکہ شاہین شاہ آفریدی، حارث رئوف اور ڈیوڈ ویزے نے 2 ،2 وکٹیں حاصل کیں۔پشاور زلمی کے 171 رنز کے ہدف میں قلندرز کا آغاز بھی مایوس کن رہا اور اوپنر فخر زمان 6 رنز بناکر آو¿ٹ ہوئے، اس کے بعد تمیم اقبال بھی 18 رنز بناکر پویلین لوٹ گئے۔ کپتان سہیل اختر بھی 7 رنز بناکر کیچ آوٹ ہوئے، بین ڈنک بھی خاطرخواہ کارکردگی نہ دکھا سکے اور 20 رنز بناکر آئوٹ ہوئے۔ محمد حفیظ نے ذمہ دارانہ کھیل پیش کیا اور نصف سنچری بنائی۔
 حفیظ کی شاندار بیٹنگ کے بدولت قلندرز نے 19 ویں اوورز میں 5 وکٹوں کے نقصان پر ہدف حاصل کرلیا اور یوں زلمی کو 5 وکٹوں سے شکست دیکر ایلیمنیٹر 2 کیلئے کوالیفائی کرلیا۔محمد حفیظ 74 رنز بناکر ناقابل شکست رہے۔ زلمی کی جانب سے ثاقب محمود نے 3 جبکہ راحت علی اور محمد عمران نے ایک ایک وکٹ حاصل کی۔ اس جیت کے ساتھ ہی ایلیمنیٹرز 2 میں لاہور قلندرز کا میچ پہلے کوالیفائر میں ہارنے والی ملتان سلطانز سے اتوار کو رات 8 بجے ہوگا۔دوسری جانب کراچی کنگز نے پہلے کوالیفائر میں ملتان کو شکست دیکر فائنل میں جگہ بنالی ہے۔