(احمد رضا)انٹرنیشنل کرکٹ میں سافٹ سگنل کو ختم کر دیا گیا ، اب مشکوک کیچز پر فیصلہ ٹی وی امپائر ہی دیا کریں گے ۔
کرکٹ حلقوں میں متنازعہ کیچز پر آن فیلڈ امپائرز کی کارکردگی ہمیشہ تنقید کا نشانہ بنتی تھی ، آئی سی سی نے سافٹ سگنل کے ضابطے کو ختم ہی کر دیا ہے، اب فیلڈ امپائر کسی بھی مشکوک کیچ پر سافٹ سگنل کے ذریعے اپنا فیصلہ دیئے بغیر اسے ٹی وی امپائر کی طرف ریفر کر دے گا ، جو جدید ٹیکنالوجی کی مدد سے حتمی فیصلہ کریں گے۔
نئے ضابطے کا اطلاق سات جون سے بھارت اور آسٹریلیا کے درمیان شیڈول ٹیسٹ چیمپئن شپ فائنل میں ہو گا۔