راؤ دلشاد:   پنجاب کے سابق وزیراعلیٰ حمزہ شہباز شریف  مسلم لیگ نون کے  مرحوم کارکن گڈو شاہ کے گھر تعزیت اور فاتحہ خوانی کے لئے گئے۔ 

حمزہ شہباز نے گڈو شاہ مرحوم کے اہلخانہ سے تعزیت کی ۔ انہوں نے مرحوم گڈو شاہ کی پارٹی خدمات پر خراج تحسین پیش کیا ۔

حمزہ شہبازشریف  یونین کونسل 77 کے سابق چیئرمین ملک خالد مرحوم کے گھر بھی گئے۔ حمزہ نے مرحوم ملک خالد کے اہلخانہ سے ان کی وفات پر  اظہار افسوس کیا اور فاتحہ خوانی کی۔

 اس موقع پر مسلم لیگ ن کے رہنما عمران گورائیہ، سید توصیف شاہ ،دستگیر شاہ،میاں عثمان اوراحمد بٹ بھی موجود تھے ۔

حمزہ شہباز نے کہا کہ وزیراعظم شہباز شریف کی قیادت میں پاکستان ترقی کی راہ پر گامزن ہو چکا ہے۔

اس ماہ ترسیلات زر 13.1 ارب ڈالر تک پہنچ گئی ہیں جو ایک خوش آئند پیش رفت ہے ۔حمزہ شہباز نے کہا کہ دہشت گردی کے مکمل خاتمے کے لیے پوری قوم پاک فوج کے شانہ بشانہ کھڑی ہے۔