جنید ریاض:سکول ایجوکیشن ڈیپارٹمنٹ نے سٹوڈنٹس ٹائم میگزین کا ٹائٹل پیج جاری کر دیا، وزیراعلی پنجاب کی دور اندیشی، مستقبل میں ووٹ بینک بڑھانے کیلئے سٹوڈنٹ میگزین پراپنی تصویر شائع کرا دی، میگزین 23 مارچ کو شائع ہوگا۔
پنجاب بھر کے سرکاری سکولوں کے بچوں کیلئے محکمہ سکول ایجوکیشن کی جانب سے جاری کیے جانے والے" سٹوڈنٹس ٹائم" میگزین کا ٹائٹل پیج جاری کر دیا گیا ہے۔ سٹوڈنٹ میگزین کے ٹائٹل پیج پر آپ واضح طور پر دیکھ سکتے ہیں کہ وزیر اعلی پنجاب میاں شہباز شریف کی تصویر چسپاں کی گئی ہے جس سے یہ تاثر جاتا ہے کہ وزیر اعلی پنجاب کی تصویر مستقبل میں ووٹ بینک بڑھانے کیلئے سٹوڈنٹ میگزین پر آویزاں کرائی گئی ہے۔
سٹوڈنٹ میگزین 23 مارچ کو شائع کیا جائے گا۔میگزین اردو اور انگریزی زبان میں شائع ہوگا۔ طلباء سٹوڈنٹ میگزین کو آن لائن بھی پڑھ سکیں گے۔ پہلے مرحلے میں میگزین پنجاب بھر کے 12000 سکولوں میں بھجوایا جائے گا۔