دولہا کو ٹینشن کس بات کی تھی؟

(ویب ڈیسک)     زارا نور عباس نے انکشاف کیا ہے کہ  ان کی شادی کا لہنگا اتنا بڑا تھا کہ  شادی کے روز ہی اسد کی ناراضگی کی وجہ بن گیا۔
اداکارہ  زارا نور عباس اور ان کے شوہر  اسد  صدیقی کا  حال ہی میں ایک انٹرویو سامنے آیا  ہےجس میں انہوں نے  اپنی  شادی اور شوبز کیرئیر سے متعلق گفتگو کی۔ شادی سے متعلق بات کرتے ہوئے اسد صدیقی نے بتایا کہ ہم نے سوچا تھا شادی بہت سادگی سے کریں گے  لیکن سادگی سے ہو نہ پائی۔         زارا نور عباس نے بتایا کہ میرا لہنگا اتنا بڑا تھا کہ وہ اسد کے پیروں میں آرہا تھا اور اسد نے منہ بنا لیا تھا۔ اس واقعے کی تصدیق  اسد نے بھی کی اور کہا لہنگا بار بار میرے پیروں میں آرہا تھا اور جب جب ہم چلتے وہ پیروں میں آجاتا تھا اس وجہ سے ٹینشن ہو رہی تھی۔
یاد رہے کہ ایک انٹرویو میں پہلے ہی زارا نور اس بات کا انکشاف کر چکی ہیں کہ اسد اور ان کی شادی میں سجل، بشریٰ انصاری، عاصم اظہر اور یاسر حسین نے اہم کردار ادا کیا تھا۔