اسرار خان : شہر لاہور میں ٹریفک حادثات کا سلسلہ بدستور جاری ہے ۔ گزشتہ 24 گھنٹوں کے دوران شہر کے مختلف علاقوں میں ہونے والے 228 ٹریفک حادثات کے دوران 268 افراد زخمی ہو گئے ۔
ریسکیو 1122 کی جانب سے جاری کردہ اعداد و شمار کے مطابق گزشتہ چوبیس گھنٹوں کے دوران شہر کے مختلف علاقوں میں ہونے والے 228 ٹریفک حادثات رپورٹ ہوئے ہیں۔ ان حادثات کی زد میں آکر مجموعی طور پر 268 افراد زخمی ہوئے ، 93 شدید زخمیوں کو فوری طبی امداد کے لئے مقامی ہسپتالوں میں منتقل کیا گیا جبکہ 175 معمولی زخمیوں کو موقع پر فرسٹ ایڈ فراہم کی گئی ۔
ریسکیو حکام کا کہنا ہے کہ ٹریفک حادثات تیز رفتاری کا مظاہرہ کرنے اور ٹریفک قوانین کی خلاف ورزی کے باعث پیش آئے ہیں۔